Ig bi im töife Ämmitau ufem Hoger obe, wo d Füchs u d Hase anenang guet Nacht säge ufgwachse u i liebe d’ Harmonie, d’Wärmi u dr Fride im Hus.

Wo ig dr Nachtdienscht im Spitau ufgä ha, hani afa bache u zwar äbe 
Ämmitaler Brätzeli. 
Mi Maa isch früecher Beck-Konditor gsi u dä fein Gschmack isch mer blibe. 
Ig ha auso 7 Jahr mit Liib u Seu i der Chuchi u im Summer dusse ar früsche Luft 
feini Ämmitaler Brätzeli gmacht.

Mit der Zyt isch es immer meh worde, das i bis id Nacht iche ha brätzelet. U im Jahr 2017 isch de d’ Giuliana, mis Grossching, gebore. So dass ig de ä angeri schöni u wärtvoui Ufgab ha übercho, u de het mir haut eifach die Zyt zum Brätzelä gfäuht. Ig ha denn ä liebi Frou gfunge, wo der Lade «Klein und Fein» in Hasli-Rüegsau het gha, wo o mit Liib u Seu – so wi ig – die feine Ämmitaler Brätzeli witer gmacht het.

...und jetz isch die Gschicht vom Susi no nid z Änd. 
Sie geit im neue Gschäft «Mit Liib u Seel» vor Anja und Martina witer.